10 қаңтар – Жалпыұлттық аза тұту күні

Ақордада Мемлекет басшысының төрағалығымен Қауіпсіздік Кеңесінің отырысы өтті. Жиында еліміздің тұрақтылығын шайқалтпақ болған террористік және қылмыстық әрекеттермен күрес мәселелері талқыланды. Іс-шараға Парламенттің қос палатасының басшылары, Премьер-Министрдің міндетін атқарушы, Президент Әкімшілігінің басшысы, Мемлекеттік хатшы, ҰҚК төрағасы, Премьер-Министрдің орынбасары – Сыртқы істер министрінің, Қорғаныс және Ішкі істер министрлерінің міндеттерін атқарушылар қатысты.

Қауіпсіздік Кеңесінің Төрағасы қалыптасқан жағдайдың қиындығын атап өтіп, бірқатар жедел шара қабылдау қажет екенін айтты. Сонымен қатар Қазақстанға нағыз террористерді айдап салған күштерді атады.
Президент аталған террористік топтардың, шын мәнінде, шетелде үлкен дайындықтан өткен халықаралық террористер екенін және олардың Қазақстанға жасаған шабуылын басқыншылық акті ретінде қарастыру қажет екенін айтты.
Жергілікті әкімдіктер барынша қаланың хоаста тұрып қалмауын, күнделікті қажетті азық-түліктер қала дүкендеріне жетсін деп барын салды.
Бейбіт заманда елде болған террорлық акт бәріміздің қабырғамызды қайыстырды, осы лаңкестермен болған қақтығыста ел тыныштығы үшін өз өнерлерін берген боздақтарға рақмет айтып, отбасыларына қайғырып көңіл айтамыз.