«Мамандықтар марафоны» (Career Day)

№107 лицейде «Мамандықтар марафоны» өтті: Болашаққа нық қадам

2026 жылдың 12-16 қаңтар аралығында №107 лицейде оқушылардың кәсіби бағдар алуына бағытталған ауқымды «Мамандықтар марафоны» (Career Day) іс-шарасы өтті. Бес күнге созылған бұл марафонға 5-10 сынып оқушылары белсене қатысып, өздерінің болашақ кәсібіне алғашқы қадамдарын жасады. 

Іс-шара оқушылардың шығармашылық және танымдық қабілеттерін ашуға арналған үш негізгі кезеңнен тұрды:

1. «AI және менің мамандығым» Бұл кезеңде оқушылар өздері армандайтын мамандықты сипаттап қана қоймай, жасанды интеллект (AI) көмегімен сол мамандықтағы өз бейнелерін жасады. Үздік шыққан жұмыстар «Үздік мамандықтар иесі» тақтасына ілініп, марапатталды.

2. «Кәсіп жеребесі» Сынып жетекшілері мен оқушылар жеребе тастау арқылы белгілі бір мамандықты таңдап алды. Бұл кезең келесі сатыдағы сахналық қойылымға дайындық ретінде ұйымдастырылды.

3. «Мамандықтар сахнасы» Қорытынды кезеңде оқушылар таңдалған мамандыққа сай киім киіп, оның қоғамдағы рөлі мен ерекшелігін презентация түрінде таныстырды. Сонымен қатар, мамандық иесінің атынан дайындалған сұрақтарға жауап беріп, сұхбат жүргізу арқылы кәсіптің ішкі қыр-сырын көрсетті.